नेपाल टेलिकमले प्रिपेड मोबाइल नम्बरमा पनि अन्तर्राष्ट्रिय रोमिङ सेवा सुरु गरेको छ । यसअघि प्रिपेड ग्राहकले अन्तर्राष्ट्रिय रोमिङ सेवा सक्रिय गराउनुपर्ने व्यवस्था रहेकामा अब पनि स्वतः सो सेवा सबै प्रिपेड मोबाइल नम्बरमा उपलब्ध हुने टेलिकमले जनाएको छ । टेलिकमले यो सेवा बुधबारदेखि सुरु गरेको हो ।
प्रिपेड मोबाइलमार्फत हाल ४० देशमा रोमिङ सुविधा प्रयोग गर्न सकिनेछ । सेवाग्राहीले विश्वका विभिन्न ४० देशमा नेपाल टेलिकमकै प्रिपेड मोबाइलमार्फत भ्वाइस, डेटा र एसएमएस सेवा चलाउन सक्नेछन् ।
टेलिककमा अनुसार सेवाग्राहीले एस्ट्रिक १४१५ एस्ट्रिक ७ ह्यास डायल गरी उपलब्ध हुने मेनुबाट उपयुक्त विकल्प छनोट गरी आफ्नो मोबाइलमा रोमिङ सेवा उपलब्ध भए र नभएको यकिन गर्न सकिनेछ ।
