आजको मौसम पूर्वानुमान: उच्च पहाडी तथा हिमाली भू-भागका केही स्थानमा हिमपातको सम्भावना

 #आजको मौसम     १७ कार्तिक २०८०, शुक्रबार ०७:२३     26 जनाले पढ़िसके



Spread the love

काठमाडौं- नेपालमा यतिबेला पश्चिमी वायुको आंशिक प्रभाव रहेको छ। मौसम पूर्वानुमान महाशाखाका अनुसार पश्चिमी वायुको प्रभावले हाल पहाडी भू-भागमा आंशिक बदली रही बाँकी भागको मौसम सामान्यतया सफा छ।

शुक्रबार दिउँसो देशको पहाडी भू-भागमा आंशिकदेखि सामान्य बदली रही बाँकी भागमा आंशिक बदलीदेखि मौसम सामान्यतया सफा रहनेछ महाशाखाले जनाएको छ। देशको पहाडी भू-भागका थोरै स्थानमा चट्याङ्गसहित हल्का वर्षाको सम्भावना रहेको छ। साथै उच्च पहाडी तथा हिमाली भू-भागका थोरै स्थानहरूमा हल्का हिमपातको सम्भावना रहेको छ।

शुक्रबार राति पहाडी भू-भागमा आंशिक बदली रही बाँकी भागमा मौसम सामान्यतया सफा रहनेछ। कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ।