राजधानीमै विमान दुर्घटना भएपछि ट्रम्पले उठाए प्रश्न

 संवाददाता    २०८१, १७ माघ बिहीबार १५:११     177 जनाले पढ़िसके



Spread the love

अमेरिकी राष्ट्रपति डोनल्ड ट्रम्पले आकाशमा अमेरिकन एयरलाइन्सको विमान र सेनाको हेलिकप्टर दुर्घटना भएको मामिलामाथि प्रश्न उठाएका छन् । ह्वाइट हाउसबाट ५ किमी पर उक्त विमान दुर्घटना भएको थियो ।

यस दुर्घटनामा १८ जनाको मृत्यु भएको पुष्टि भएको छ । राष्ट्रपति ट्रम्पले यस दुर्घटनाको बारेमा गम्भीर प्रश्न उठाएका छन् । उनले दुर्घटना हुँदा हेलिकप्टरका पाइलटले किन रुट परिवर्तन गरेनन् र कन्ट्रोल टावरले हेलिकप्टरलाई विमानको अवस्थाको बारेमा किन जानकारी दिएनन् भन्ने प्रश्न गरेका छन् । दुर्घटनाको समयमा विमानमा ६० जना यात्री र ४ जना क्रु मेम्बर थिए ।

‘विमान विमानस्थलमा जाँदै थियो । हेलिकप्टर धेरै समयसम्म सिधै विमान भएतिर गइरहेको थियो । रात सफा नै थियो । विमानका बत्तीहरू पनि चम्किरहेका थिए । तैपनि हेलिकप्टर किन मोडिएन ? माथि र तल किन सरेन ?,’ सामाजिक सञ्जालमा एउटा पोष्टमा प्रश्न गर्दै ट्रम्पले लेखेका छन्,‘कन्ट्रोल टावरले विमान देखिसकेको थियो भने हेलिकप्टर चालक दललाई के गर्ने भनेर किन भनेनन् ? यो नराम्रो अवस्था हो । यस्तो हुनबाट रोकिनु पथ्र्याे । यो ठीक होइन ।’

प्रतिक्रिया दिनुहोस


सम्बन्धित समाचार

  • शेख हसिनाविरुद्ध फैसला सुनाउअघि बंगलादेशमा हिंसा भड्किन थालेपछि प्रदर्शनकारीलाई गोली हान्न आदेश
  • बाढी पहिरोको क्षतिप्रति दुःख व्यक्त गर्दै मोदीले भने– हामी साथमा छौँ
  • रुसको कामचाट्का प्रायद्वीपमा फेरि शक्तिशाली भूकम्प
  • “इम्बोस्ड नम्बर प्लेटको प्रविधि बुझौं, हल्लाको पछि नलागौं” : आशिष गजुरेल