नेपाली कांग्रेसका महामन्त्रीसमेत रहेका प्रतिनिधिसभा सदस्य विश्वप्रकाश शर्माले गत १५ गते काठमाडौँको तीनकुनेमा भएको घटनामा सहानुभूतिसमेत जनाउन नसक्ने राजा किन फर्काउन पर्यो भन्ने प्रश्न गरेका छन् ।
प्रतिनिधिसभा बैठकमा विशेष समयमा बोल्दै शर्माले भने, ‘आफूलाई पुनर्स्थापित गर्ने भन्दै आयोजित आमसभा हिंसात्मक बन्दा मृत्यु भएका होनाहार युवाको परिवार र अन्य घाइतेका आफन्तलाई सहानुभूति दिन नसक्ने राजा किन फर्काउनुपर्यो ।’
उनले राजा नहुँदै त सान्त्वना दिन नसक्ने ज्ञानेन्द्र शाहले राजा भएपछि झन् के गर्लान् भनेर अहिले नै राजा ल्याउँछौ भनेर लागेका राजावादीहरूले गरेको आन्दोलनमा सहभागी भएकाहरूले सोच्नुपर्ने उनको भनाइ थियो ।
