काठमाडौं । स्वीडेनको केन्द्रीय शहर ओरेब्रोस्थित एक स्कुल परिसरमा भएको गोलीबारीमा कम्तिमा १० जना मारिएका छन् । स्वीडिश प्रहरीका अनुसार मृतकमा संदिग्ध आक्रमणकारी समेत संलग्न छन् ।
मारिने संदिग्ध एक्लैले गोलीबारी गरेको प्रहरी अधिकारीहरुले बताएका छन् । यद्यपि, ती व्यक्तिको मक्सद अझैसम्म पुष्टि हुन सकेको छैन ।
प्रधानमन्त्री उल्फ क्रिस्टर्सनले यो आक्रमणलाई स्वीडेनको इतिहास मै सबैभन्दा खराब सामूहिक गोलाबारीको संज्ञा दिएका छन् । गोलीबारी वयस्कहरुको स्कुलमा भएपनि सोही क्षेत्रमा बालबालिकाको समेत स्कुल रहेको बताइएको छ ।
आक्रमणकारी ठूलो संख्यामा हुनसक्ने आशंकामा प्रहरीले छात्रहरु र कर्मचारीलाई भवनभित्र राखेको र पछि मात्रै बाहिर निकालिएको बीबीसीले उल्लेख गरेको छ ।
