प्रधानमन्त्री केपी शर्मा ओलीले भ्रष्टहरूको अनुहार नभई काम हेरेर कारबाही हुने बताएका छन्।
मंगलबार ललितपुर महानगरको स्थापना दिवसमा आयोजित समारोहलाई सम्बोधन गर्दै प्रधानमन्त्री ओलीले आफू प्रधानमन्त्री बनेदेखि नै भ्रष्टहरूको मुख नभई काम हेरेर कारबाही गर्ने भन्दै आएको बताएका हुन्।
‘देशमा भ्रष्टाचार नियन्त्रण गर्नुछ। मैले भनेको छु भ्रष्टहरूको मुख हेरेर होइन काम हेरेर अपराध हेरेर कारबाही हुन्छ,’ उनले भने।
उनले देशलाई गरिबीबाट माथी उठाउन र सुशासन कायम गर्न सरकार दत्तचित्त रहेको पनि बताए।
‘देशमा सुशासन हुन्छ। जनतालाई दुख दिन कर्मचारीहरूले पनि पाउँदैनन्, दिन पनि हुँदैन,’ उनले भने।
