भक्तपुरमा मोटरसाइकलको ठक्करबाट पैदलयात्रुको मृत्यु भएको छ। बुधबार दिउँसो सूर्यविनायक नगरपालिका-५ कटुन्जेचोकमा सूर्यविनायकबाट सल्लाघारी जाँदै गरेको मोटरसाइकलले पैदलयात्रुलाई ठक्कर दिएको जिल्ला प्रहरी परिसरका
डिएसपी ढुण्डिराज न्यौपानेले जानकारी दिए। भक्तपुर नगरपालिका-६ भोलाछेँ घर भई कटुन्जे बस्ने ६९ वर्षीया बिमला प्रधानाङ्गको मृत्यु भएको हो। बागमती प्र.०२-०२१ प. ८१२७ नम्बरको मोटरसाइकलले उनलाई ठक्कर दिँदा प्रधानाङ्ग गम्भीर घाइते भएकी थिइन्। घाइते भएकी उनको उपचारको क्रममा मृत्यु भएको हो। घटनापछि मोटरसाइकल चालक फरार भएका थिए।
चालक सुनापाती गाउँपालिका-५ घर भई चाँगुनारायण नगरपालिका-१ दुवाकोट बस्ने २६ वर्षीय दिपक मानन्धरलाई प्रहरीले पक्राउ गरेको छ। प्रहरी वृत्त जगातीले घटना सम्बन्धी थप अनुसन्धान अघि बढाएको छ।
