बाँके, – बाँकेको कोहलपुरमा एक युवकको टाउको बिनाको शव भेटिएको छ ।
कोहलपुर नगरपालिका–८ बंगलाटोलको भित्री सडक खण्डअन्तर्गत सरस्वती टोल नजिकै स्थानीय ४० वर्षीय चन्द्रबहादुर कामीको टाउको बिनाको शव फेला परेको बाँकेका निमित्त प्रहरी प्रवक्ता प्रहरी निरीक्षक यामबहादुर बुढामगरले जानकारी दिए ।
आइतबार बिहान पौने २ बजेतिर विभत्स रुपमा हत्या गरिएको टाउको बिनाको शव फेला परेको उनले बताए ।
इलाका प्रहरी कार्यालय कोहलपुरका निमित्त प्रमुख प्रहरी निरीक्षक राजकुमार भट्टले घटनाबारे थप अनुसन्धान भइरहेको जानकारी दिए ।
उनका अनुसार मृतक सामान्य मजदुरी गरी जीवनयापन गर्दै आएका थिए ।
घटनास्थल नजिकै सिसी टिभी क्यामेराममा एक जना व्यक्तिले रातको समयमा कालो प्लास्टिकको झोला बोकेर हिँडिरहेको दृष्य देखिएको छ ।
प्रहरीले ती अज्ञात व्यक्तिले मृतकको काटिएको टाउको बोकेर गएको आशंकामा सुक्ष्म अनुसन्धान अघि बढाएको छ ।
शव पोष्टमर्टमका लागि भेरी अस्पताल नेपालगञ्ज पठाइएको प्रहरी निरीक्षक भट्टले जानकारी दिए ।
