माओवादीलाई पाँच मन्त्रालय, कसलाई कुन मन्त्रालय?

 #माओवादी     २३ फाल्गुन २०८०, बुधबार १५:१५     23 जनाले पढ़िसके



Spread the love

नेकपा माओवादी केन्द्रले नयाँ गठबन्धनबाट बनेको सरकारमा पाँच मन्त्रालय पाएको छ।

बुधबार बिहान बसेको नयाँ गठबन्धनको बैठकबाट माओवादी केन्द्रले पाँच मन्त्रालय पाउने टुंगो लागेको हो।

मन्त्रालय टुंगो लागेसँगै माओवादीले सरकारमा जाने मन्त्रीहरू पनि टुंग्याएको छ।

माओवादीबाट हितबहादुर तामाङ यसअघि नै मन्त्री बनिसकेका छन्।  उनी पर्यटनमन्त्री बन्ने भएका छन्।

अघिल्लोपटक पर्यटन मन्त्री भएका सुदन किराती भने बाहिरिएका छन्।

माओवादीबाट नारायणकाजी श्रेष्ठ उपप्रधानमन्त्री तथा रक्षामन्त्री बन्ने भएका छन्। उनी यसअघि उपप्रधानमन्त्री तथा गृहमन्त्री थिए।

त्यस्तै रेखा शर्मा र शक्ति बस्नेतले पुरानै मन्त्रालय पाउने टुंगो लागेको माओवादी केन्द्रका एक पदाधिकारीले जानकारी दिए।

शर्मा सञ्चार तथा सूचना प्रविधि मन्त्री र बस्नेत उर्जा तथा जलस्रोत मन्त्री थिए। उनीहरूको मन्त्री पद यथावत् रहने भएको छ।