एमाले कोशी अधिवेशन : ५ बजेदेखि मतदान हुने

 एमाले     १४ आश्विन २०८०, आईतवार १६:२७     40 जनाले पढ़िसके



Spread the love

विराटनगर । नेकपा एमालेको कोशी प्रदेश प्रथम अधिवेशनमा सहमति जुट्न नसकेपछि साँझ ५ बजेदेखि मतदान हुने भएको छ ।

यसअघि बिहान ११ बजेदेखि मतदानको समय तोकिएको थियो । त्यसपछि मतदानको समय १ बजेलाई सारियो । सहमतिको प्रयास गर्ने भन्दै पुनः ५ बजेका लागि मतदानको समय सारिएको हो ।

यसअघि तयारी नपुगेकाले समय सारिएको प्रमुख निर्वाचन अधिकृत चुडामणि आचार्यले जानकारी दिए । निर्वाचन कार्यालयले उम्मेदवारको अन्तिम नामावली भने अझै प्रकाशन गरेको छैन ।
एमालेको कोशी प्रदेश कमिटीको अध्यक्षमा घनश्याम खतिवडा र विनोद ढकाल उम्मेदवार छन् । उपाध्यक्षमा टीकाराम चेम्जोङ निर्विरोध निर्वाचित भएका छन् । सचिवमा शैलेश लामा र राजकुमार भण्डारी उम्मेदवार छन् ।