संसदको गतिरोध अन्त्यका लागि सभामुख र शीर्ष नेताहरू बिच छलफल हुने

 सभामुख     २२ श्रावण २०८०, सोमबार ०८:२३     51 जनाले पढ़िसके



Spread the love
काठमाडौँ– सभामुख देवराज घिमिरेले प्रतिनिधिसभाको गतिरोध अन्त्यका लागि प्रमुख दलका शीर्ष नेताहरूसँग छलफल गर्दै छन् ।
सभामुख घिमिरेले आज संसद बैठक बस्नु अघि मध्याह्न १२ बजे आफ्नै कार्यकक्ष सिंहदरबारमा प्रमुख दलका शीर्ष नेतालाई छलफलमा बोलाएका हुन् । संसद बैठक दिउँसो १ बजेका लागि बोलाइएको छ ।
सभामुख घिमिरेले हिजो संसदको गतिरोध हटाउने विषयमा दलका सचेतकहरूसँग छलफल गरेका थिए । तर, छलफलमा सत्तापक्ष र प्रतिपक्ष दुवैले सुन तस्करी प्रकरणका विषयमा आ–आफ्नो अडान कायम राखेपछि छलफल निष्कर्षविहीन भएको थियो ।
एक क्विन्टल सुन तस्करी प्रकरणमा उच्चस्तरीय छानबिन समितिको माग गर्दै प्रमुख प्रतिपक्षी दल एमालेका कारण साउन १० देखि संघीय संसदका दुवै सदन अवरुद्ध छन् ।