आज (शनिवार) ताप्लेजुङ, पाँचथर, इलाम, झापा, मोरङ, सुनसरी, संखुवासभा, सप्तरी, सिराहा, धनुषा, सर्लाही, दोलखा, रामेछाप, सिन्धुपाल्चोक, नुवाकोट, धादिङ भएर बहने नदी तथा खोलामा बहाब बढ्न सक्ने पूर्वानुमान छ ।
यस्तै गोरखा, लमजुङ, कास्की, रोल्पा, रुकुम पूर्व, रुकुम पश्चिम, जाजरकोट, सल्यान, सुर्खेत, बाँके, बर्दिया, कैलाली, कञ्चनपुर अछाम, डोटी, डडेलधुरा, बाजुरा, बझाङ, बैतडी, दार्चुला र आसपास भएर बहने केही नदीमा बहाव बढ्नसक्ने बाढी पूर्वानुमान महाशाखाले जनाएको छ ।
महाशाखाका अनुसार यी क्षेत्र भई बहने साना नदी तटीय क्षेत्रहरूमा सामान्य सतर्कता आवश्यक छ ।
आज र भोलि (आइतवार) देशका प्रमुख नदीहरूमा जलसतह सतर्कता तहभन्दा तलै रहने भए पनि बढ्दो हुने महाशाखाले जनाएको छ । महाशाखाका अनुसार सोमवारबाट कोशी, नारायणी, कर्णाली, कन्काई, कमला, बागमती, पूर्वी राप्ती, पश्चिम राप्ती, बबई र यसका प्रमुख सहायक नदीहरूमा जलसतह उल्लेख्य बढ्ने सम्भावना छ ।
साउन २३ सम्म कन्काई, कमला, बागमती, पूर्वी राप्ती, तिनाउ, पश्चिमराप्ती, बबई र यसका केही स-साना सहायक नदीलगायत चुरे र तराई भई बहने केही साना नदीमा जलसतह सतर्कता तह पुग्न सक्ने पूर्वानुमान महाशाखाको छ । यी नदी तटीय क्षेत्रमा उच्च सतर्कता अपनाइराख्न महाशाखाले आग्रह गरेको छ ।
