आज प्रतिनिधिसभा बैठक बस्दै नबसी स्थगित

 #प्रतिनिधी सभा वैठक     १५ श्रावण २०८०, सोमबार १५:२४     70 जनाले पढ़िसके



Spread the love
प्रतिनिधिसभा बैठक बस्दै नबसी स्थगित भएको छ। प्रमुख प्रतिपक्षी दल नेकपा (एमाले) आफ्नो अडानबाट पछि नहटेपछि बैठक स्थगित भएको संसद सचिवालयले जनाएको छ।
संसद सचिवालयकाअनुसार बैठक भोलि (सोमबार) दिउँसो १ बजेसम्मको लागि स्थगित भएको हो।
एमालेले ‘सुन प्रकरण’को अनुसन्धान नटुङ्गिएसम्म बैठक चल्न नदिने अडान लिएको छ।
बैठक सुचारु गराउनको लागि सोमबार बिहान प्रधानमन्त्री पुष्पकमल दाहाल ‘प्रचण्ड’ र एमाले अध्यक्ष केपी शर्मा ओलीबीच छलफल भएको थियो। तर, छलफलमा सहमति जुट्न सकेको थिएन।
एमालेको अवरोधकै कारण यसअघिको प्रतिनिधिसभा बैठक पनि कार्यसूचीमै प्रवेश नगरी स्थगित भएको थियो।
साउन ३ गत विमानस्थलबाट जाँच पास भएर बाहिरिँदै गर्दा सिनामंगलबाट राजस्व अनुसन्धान विभागले झण्डै सय किलो सुन बरामद गरेको थियो। उक्त बरामद सुनको सत्य तथ्य छानबिन हुनुपर्ने एमालेको माग छ।