काठमाडौँ । नेकपा माओवादी केन्द्रको स्थायी कमिटी बैठक बस्दैछ । बैठक दिउँसो १ बजे पार्टी कार्यालय पेरिसडाँडामा बस्ने गरी बोलाइएको हो ।
बैठकमा आगामी मंसिर ४ गते हुने संघीय र प्रदेशसभा निर्वाचनको तयारीका बारेमा छलफल हुने अध्यक्ष प्रचण्डका स्वकीय सचिव रमेश मल्लले जानकारी दिए । ‘आज १ बजे बैठक बस्नेछ, यो नियमित बैठक हो’ मल्लले भने ।
राष्ट्रपति विद्यादेवी भण्डारीले नागरिकता विधेयक संघीय संसद्मा नै थप छलफलका लागि फिर्ता पठाएको भोलिपल्ट माओवादीले स्थायी समिति बैठक बोलाएकाले सोबारेमा पनि छलफल हुनेछ ।
