प्रधानमन्त्री शेरबहादुर देउवाले नेकपा (एमाले) अध्यक्ष केपी शर्मा ओलीलाई संसद्मा टेबल भएको मिलेनियम च्यालेञ्ज कर्पोरेसन (एमसीसी) पारित गर्न सघाउन आग्रह गरेका छन्।
मंगलबार प्रधानमन्त्री निवास बालुवाटारमा भएको भेटमा देउवाले एमसीसीमा सघाउन आग्रह गरेका हुन्।
भेटमा सहभागी एमाले उपमहासचिव विष्णु रिमालले भने, “ प्रधानमन्त्रीज्यूले एमसीसी पािरत गर्न सघाउन आग्रह गर्नुभयो, हाम्रो पार्टी अध्यक्षज्यूले पहिला हामीलाई संसद्मा प्रवेश गर्ने वातावरण बनाउनुस् भन्नुभयो।”
आजै दिउँसो ओलीले अमेरिकी राजदूत र्यान्डी बेरीसँग भेट गरेका थिए।
