रसुवाको भोटेकोसी नदीमा आएको बाढीको जोखिम नवलपरासी पूर्वको सुस्तासम्म रहने पूर्वानुमान गरिएको छ।
जल विज्ञान तथा अनुसन्धान केन्द्रले बाढीको जोखिम सुस्ता क्षेत्रसम्म पर्न सक्ने जनाएको हो।
सुस्तासम्म बाढीको सम्भावनालाई मध्यनजर गर्दै मोबाइल एसएमएसमार्फत बाढीसम्बन्धी पूर्वसूचना सर्वसाधारणलाई पठाउने तयारी भइरहेको केन्द्रले जनाएको छ।
केन्द्रका बाढीविद् सौहार्द जोशीले यसअघि चितवनस्थित देवघाटसम्म मात्रै जोखिम रहन सक्ने भनिएकामा बाढीको प्रकृति हेर्दा जोखिम सुस्तासम्म रहने आकलन गरिएको जानकारी दिए।
सोहीअनुसार पूर्वतयारी थालिएको उनले बताए। ‘बाढीको जोखिम अहिलेसम्म घटेको छैन। सुस्तासम्म नै जोखिम हृुनसक्छ,’ उनले भने।
