काठमाडौं– सर्लाहीको प्रमुख जिल्ला अधिकारी (सीडीओ)को जिम्मेवारी बाबुराम खतिवडालाई दिइएको छ। गृह मन्त्रालयले त्यहाँ कार्यरत रामकुमार महतोलाई कारबाही गर्दै खतिवडालाई जिम्मेवारी दिएको हो।
यस्तै, सर्लाहीका प्रहरी उपरीक्षक (एसपी) सन्तोष सिंह राठौर र सशस्त्र प्रहरी बल, नेपालका एसपी गंगाराम श्रेष्ठमाथि कारबाही भएको छ।
प्रहरीका अधिकारी र सीडिओसहित बसेर जुवातास खेलेको भिडिओसहितको समाचार विभिन्न सन्चार माध्यम प्रकाशित भएको थियो। गृह मन्त्रालय स्रोतका अनुसार मन्त्रालयमा तानेर महतोलाई आवश्यक कारबाही गरिनेछ।
