सरकारले आज काठमाडौँको बल्खु र वंशीघाटस्थित सुकुमबासी बस्तीमा डोजर चलाएर संचना भत्काएको छ।
बल्खुको नदी किनार क्षेत्र अतिक्रमण गरी बनाइएका सुकुमबासी बस्तीमा शहरी विकास मन्त्रालयले डोजर चलाएर संरचना भत्काएको हो।
काठमाडौँ उपत्यकामा बागमती नदी तथा सहायक नदी किनारमा रहेका बस्ती आजदेखि फेरि भत्काउन सुरु गरिएको हो।
पहिलो चरणमा गतसाता सिनामंगलको गैरीगाउँ, शान्तिनगर, मनोहरा र थापाथली क्षेत्रका बस्ती हटाएको थियो। दोस्रो चरणमा उपत्यकाका नदी किनार अतिक्रमण गरेर बनाइएका थप बस्ती हटाउन थालिएको हो।
