कैलालीमा लागुऔषध खैरो हेरोइनसहित तीन जना पक्राउ परेका छन्।
जिल्ला प्रहरी कार्यालय, कैलालीका अनुसार सामेबार बेलुकी धनगढी उपमहानगरपालिका-२, ब्यारेल नजिकबाट धनगढी-५ का २२ वर्षीय खगेन्द्र चौधरी खैरो हेरोइनसहित पक्राउ परेका हुन्।
उनको साथबाट ८९० मिलिग्राम लागुऔषध खैरो हेरोइन बरामद गरिएको प्रहरीले जनाएको छ।
लागुऔषध नियन्त्रण ब्युरो शाखा कार्यालय धनगढी र प्रहरी चौकी त्रिनगर, कैलालीबाट संयुक्त रूपमा खटिएको प्रहरी टोलीले उनलाई नियन्त्रणमा लिएको हो।
यस्तै, धनगढी उपमहानगरपालिका-८ धनगढी गाँउबाट सोही ठाउँका २८ वर्षीय नरेश चौधरी १ ग्राम ४७० मिलिग्राम लागुऔषध खैरो हेरोइनसहित पक्राउ परेका छन्।
