सासुको हत्या आरोपमा काभ्रे प्रहरीले एक युवकलाई पक्राउ गरेको छ ।
मण्डनदेउपुर नगरपालिका १ गैरीगाउँ घिसिङ टोल निवासी ५२ वर्षीया तिनमाया तामाङको हत्या आरोपमा उनकै ज्वाइँ (छोरीका पति) २८ वर्षीय सुकबहादुर तामाङ पक्राउ परेका हुन्।
गएको मंसिर ३० गते तिनमाया आफ्नै घरको मझेरीमा मृत फेला परेकी थिइन्।
प्रारम्भिक अनुसन्धानको क्रममा तिनमायाको हत्या आफ्नै ज्वाइँले गरेको देखिएको जिल्ला प्रहरी कार्यालय काभ्रेका डीएसपी मीनबहादुर घलेले जानकारी दिए।
पक्राउ परेका सुकबहादुर काभ्रेकै मन्डनदेउपुर २ निवासी हुन्।
