बुधबार सेयरबजार ४०.४७ अंकले बढेको छ। योसँगै नेप्से २६२३.२१ विन्दुमा पुगेको नेपाल स्टक एक्सचेन्जले उल्लेख गरेको छ।
बुधबार कारोबार रकम ४ अर्ब २० करोड छ। कुल ९१ लाख ४२ हजार कित्ता सेयर बिक्रीपछि यो परिमाणमा कारोबार भएको हो।
यस दिन २३१ वटा सेयर बढ्दा १२ वटाको मूल्य घटेको छ। धेरैवटा सेयर बढे पनि अधिकतम वृद्धिदर भने ५.७४ प्रतिशतसम्म मात्र छ।
राप्ति हाइड्रो एन्ड जनरल कन्स्ट्रक्सनको सेयर उक्त दरले बढेको हो। यसबाहेक अन्य सेयर ५ प्रतिशत हाराहारीमा मात्र बढेका छन्।
गिरावटतर्फ उपकार लघुवित्तको सर्वाधिक ७.२७ प्रतिशतले सेयर मूल्य घटेको छ। आजको कारोबारमा हिमालयन रिइन्स्योरेन्स अगाडि छ।
कम्पनीको ४१ करोडको र नेपाल पुनर्बीमा कम्पनीको ३१ करोडको उच्च कारोबार भएको छ।
