आज पनि सुनचाँदीकै मूल्यमा गिरावट आएको छ।
सुनको भाउ आज तोलामा २ हजार ७ सय रुपैयाँ घटेर २ लाख ८९ हजार ५ सयमा झरेको नेपाल सुनचाँदी व्यवसायी महासंघले जनाएको छ।
गएको सोमबार तोलामा २ हजार १ सय रुपैयाँ घटेको सुनको भाउ मंगलबार पनि तोलामा २ हजार २ सय रुपैयाँ घटेर २ लाख ९२ हजार २ सय कायम भएको थियो।
गएको तीन दिनमा सुनको भाउ सात हजार रुपैयाँ घटिसकेको छ।
त्यसैगरी आज चाँदीको मूल्य पनि तोलामा १ सय रुपैयाँ घटेर ४ हजार २ सय ५५ रुपैयाँमा झरेको छ।
गएको माघ १५ गते सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।
