आज सुनचाँदीकै मूल्यमा व्यापक गिरावट आएको छ।
सुनको मूल्य आज तोलामा ५ हजार रुपैयाँ घटेर २ लाख ९४ हजार ३ सयमा झरेको नेपाल सुनचाँदी व्यवसायी महासंघले जनाएको छ।
यसअघि २ दिनमा ३ हजार ७ सय घटेको सुनको भाउ हिजो तोलामा ७ सय रुपैयाँ बढेर २ लाख ९९ हजार ३ सय पुगेको थियो।
त्यसैगरी आज चाँदीको मूल्य पनि तोलामा १ सय ४५ रुपैयाँ घटेको छ।
हिजो ३५ रुपैयाँ बढेर चाँदीको भाउ ४ हजार ६ सय ५५ पुगेको थियो।
गएको माघ १५ गते सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।
