अख्तियार दुरुपयोग अनुसन्धान आयोगले सोलुखुम्बु जिल्लाको सोताङ गाउँपालिकाकी उपाध्यक्ष अञ्जु नाछिरिङ्ग राईसहित दुईजनाका विरुद्ध भ्रष्टाचार मुद्दा दायर गरेको छ ।
अख्तियारले जनाएअनुसार आर्थिक वर्ष २०८०/०८१ मा ढाका सिलाई-बुनाई तालिम सञ्चालन गर्दा प्रशिक्षकहरूसँग घुस, रिसवत माग गरिएको थियो ।
उनीहरू विरुद्ध भ्रष्टाचार निवारण ऐन २०५९ को दफा ३ को उपदाफा (१) र (२) बमोजिम ४५ हजार रुपैयाँ बिगो र कैदको माग दाबी गरिएको छ ।
उनी नेपाली कांग्रेसका तर्फबाट गाउँपालिका उपाध्यक्ष निर्वाचित भएकी थिइन् ।
