गएका चार दिनमा १७ हजार ८ सय रुपैयाँ बढेको सुनको भाउ आज घटेको छ।
सुनको मूल्य आज तोलामा दुई सय रुपैयाँ मात्रै घटेको हो। मूल्य घटेर सुनको भाउ आज ३ लाख १ हजार ५ सयमा झरेको नेपाल सुनचाँदी व्यवसायी महासंघले जनाएको छ।
हिजो तोलामा ४ हजार ८ सय रुपैयाँ बढेर सुनको भाउ ३ लाख १ हजार सात सय पुगेको थियो।
यसअघि गएको शुक्रबार सुनको भाउ तोलामा ९ सय, बिहीबार ८ हजार र बुधबार ४ हजार २ सय रुपैयाँ बढेको थियो।
त्यसैगरी आज चाँदीको मूल्य भने बढेको छ। तोलामा २५ रुपैयाँ बढेर चाँदीको भाउ आज ४ हजार ६ सय ७० रुपैयाँ पुगेको महासंघले जनाएको छ।
