गएका दुई दिनमा १२ हजार ४ सय बढेको सुनको भाउ आज घटेको छ।
शुक्रबार तोलामा ७ हजार २ सय बढेको सुनको भाउ आज घटेको हो। चाँदी पनि आज सस्तिएको नेपाल सुनचाँदी व्यवसायी महासंघले जनाएको छ।
सुनको मूल्य आज तोलामा ४ सय रुपैयाँ घटेर २ लाख ९० हजार ३ सय रुपैयाँमा झरेको छ। गएको शुक्रबार सुनको भाउ तोलाको २ लाख ९० हजार ७ सय थियो।
त्यसैगरी चाँदीको भाउ पनि आज १० रुपैयाँ घटेर तोलाको ४ हजार ६ सय ५ रुपैयाँमा झरेको छ।
गएको शुक्रबार चाँदीको भाउ तोलाको ४ हजार ६१५ रुपैयाँ थियो।
बिहीबार र शुक्रबार तोलामा १२ हजार ४ सय बढेको सुनको भाउ त्यसअघिका तीन दिनमा ६ हजार ५ सय रुपैयाँ घटेको थियो।
