हिजो बढेको सुनचाँदीकै भाउ आज घटेको छ।
सुनको भाउ आज तोलामा १ हजार ६ सय रुपैयाँ घटेर २ लाख ८७ हजार १ सयमा झरेको नेपाल सुनचाँदी व्यवसायी महासंघले जनाएको छ।
हिजो सुनको भाउ १ हजार ४ सय रुपैयाँ बढेर २ लाख ८८ हजार ७ सय पुगेको थियो।
गत शुक्रबार तोलामा १० हजार पाँचसय रुपैयाँ घटेको सुनको भाउ आइतबार तोलामा ६ सय रुपैयाँ बढेर २ लाख ८७ हजार ३ सय रुपैयाँ पुगेको थियो।
त्यसैगरी आज चाँदीको भाउ पनि घटेको छ।
तोलामा १४० रुपैयाँ घटेर चाँदीको भाउ आज ४ हजार ५९० रुपैयाँमा झरेको महासंघले जनाएको छ।
हिजो चाँदीको भाउ तोलामा ४० रुपैयाँ बढेर ४ हजार ७ सय ३० रुपैयाँ पुगेको थियो।
