हिजो तोलामा १२ सय रुपैयाँ बढेको सुनको मूल्य आज उच्च दरमा बढेको छ।
तोलामा पाँच हजार रुपैयाँ बढेर सुनको भाउ आज २ लाख ९८ हजार २ सय रुपैयाँ पुगेको नेपाल सुनचाँदी व्यवसायी महासंघले जनाएको छ।
सुनको मूल्य हिजो तोलामा १२ सय रुपैयाँ बढेर २ लाख ९३ हजार दुईसय रुपैयाँ पुगेको थियो। गएको शुक्रबार सुनको भाउ तोलाको २ लाख ९२ हजार रुपैयाँ थियो।
यसअघि गएको बुधबार सुनको भाउ तोलामा १० हजार १ सय र बिहीबार ५ हजार १ सय रुपैयाँ घटेको थियो।
त्यसैगरी आज चाँदीको भाउ पनि बढेको छ। चाँदीको भाउ आज तोलाको १७५ रुपैयाँ बढेर ५ हजार १५ रुपैयाँ पुगेको छ।
