आज पनि सुनचाँदीको मूल्य बढेको छ। गएका दुई दिनमा ७६ सय बढेको सुनको भाउ आज पनि तोलामा १३ सय रुपैयाँ बढेको हो।
१३ सय मूल्य बढेर सुनको भाउ आज तोलाको २ लाख ९९ हजार ९०० पुगेको छ।
सुनको भाउ बिहीबार तोलामा १८ सय र बुधबार ५८ सय बढेको थियो। गएका तीन दिनमा सुनको भाउ तोलामा ८९ सय रुपैयाँ बढिसकेको छ।
सुनको भाउ हिजो तोलाको २ लाख ९८ हजार ६ सय रुपैयाँ थियो।
त्यसैगरी चाँदीको भाउ पनि आज तोलामा १२० रुपैयाँ बढेर ५ हजार २७५ रुपैयाँ पुगेको छ।
हिजो चाँदीको भाउ तोलाको ५ हजार १५५ रुपैयाँ थियो।
