सुर्खेतमा बलात्कारपछि हत्या गरिएकी १६ वर्षीया इनिशा विकको न्यायका लागि विद्यार्थीले सोमबार काठमाडौँको माइतीघर मण्डलमा प्रदर्शन गरेका छन्।
हत्या घटनाको सत्यतथ्य छानबिन गरी दोषीलाई कारबाहीको माग गर्दै विद्यार्थी, युवा, अधिकारकर्मी तथा सर्वसाधारणले प्रदर्शन गरेका हुन्।
उनीहरूले ‘इनिशा विकलाई न्याय दे’, ‘दोषीलाई उम्काउन पाइँदैन’, ‘महिला हिंसा अन्त्य गर’ जस्ता नारा लेखिएका प्लेकार्ड बोकेका थिए। प्रदर्शनपछि भेला भएका प्रदर्शनकारीले हत्या घटनालाई गम्भीरतापूर्वक लिन सरकारलाई आग्रह गरेका छन्।
