नेपाली बजारमा सुनको मूल्य बढेको छ । नेपाल सुनचाँदी, रत्न तथा आभूषण महासंघका अनुसार सुनको मूल्य तोलामा एक हजार चार सय रुपैयाँले बढेको हो ।
आइतबार प्रतितोला दुई लाख ५२ हजार दुई सय रुपैयाँमा कारोबार भएको सुन सोमबार बढेर प्रतितोला दुई लाख ५३ हजार ६ सय रुपैयाँ पुगेको महासंघले जनाएको छ ।
चाँदीको मूल्यसमेत प्रतितोला ४५ रुपैयाँले बढेको महासंघले जनाएको छ ।
आइतबार प्रतितोला तीन हजार चार सय ९० रुपैयाँमा कारोबार भएको चाँदी सोमबार तीन हजार ५३५ रुपैयाँ कायम भएको छ ।
