एसएमसी एपबाट सजिलै पैसा कमाउन सकिने भन्दै ठगी, साइबर ब्युरोले भन्योः यस्ता प्रलोभनमा नपर्नु
संवाददाता २०८२, २७ कार्तिक बुधबार १५:४२ 242 जनाले पढ़िसके
Spread the love
ब्युरोका अनुसार यो ठगीमा सुरुमा छिटो पैसा कमाउन सकिने तथा साथीलाई रिफरल गरेर थप बोनस समेत पाउन सकिने किसिमका प्रलोभन देखाइन्छ । त्यसपछि अकाउन्ट रिचार्ज गर्नुपर्ने, कर तिर्नुपर्ने लगायतका बहाना बनाई ठगी गर्ने प्रवृत्ति देखिएको ब्युरोले जनाएको छ ।
ब्युरोले यो स्क्याममा प्रयोग भएको एक पोस्टको स्क्रिनशट समेत सार्वजनिक गरेको छ । जसमा स्यालरी विथड्रल शेड्युल राखिएको छ । यस किसिमका ठगीबाट बच्न अपनाउनुपर्ने सावधानी समेत ब्युरोले सुझाएको छ ।
जसअनुसार कम्पनी तथा संस्थाको पृष्ठभूमि राम्रोसँग अध्ययन गर्न, कम्पनीको भौतिक ठेगाना, रोजगारदातासँग फेसबुक मेसेन्जर, ह्वाट्सएप तथा टेलिग्राममा मात्र कुराकानी हुन्छ कि प्रत्यक्ष भेटेरै अन्तर्वार्ता दिन मिल्छ ? कम्पनीसँग कारोबार गर्दा कम्पनीको नभई कुनै व्यक्तिगत खातामा लेनदेन गर्दै हुनुहुन्छ ? आदि कुरामा विचार गर्न र अनलाइन पढेका सबै कुरा साँचो नहुने कुरा ख्याल राख्न ब्युरोले अनुरोध गरेको छ ।
अप्रत्याशित लिङ्क तथा चिट्ठा पेको भन्दै आएका मेल / लिङ्कहरूको विश्वासमा परी क्लिक नगरौँ ।
