दाङको घोराहीस्थित सोनापुर मिनरल एन्ड आयल प्रालिले विगतमा लोडसेडिङको समयमा डेडिकेटेड तथा ट्रंक लाइनबाट विद्युत् उपभोग गरेबापत तिर्न बाँकी प्रिमियम महसुलको पहिलो किस्ता मंगलबार तिरेको छ।
पहिलो किस्ता तिरेपछि कात्तिक ७ देखि काटिएको विद्युत् लाइन मंगलबार साँझ नै जडान गरिएको छ।
सोनापुर मिनरलले २०७२ माघदेखि २०७५ वैशाखसम्ममा डेडिकेटेड तथा ट्रंक लाइन प्रयोगबापतको प्रिमियम महसुलको पहिलो किस्ता बुझाएका हो।
सोनापुर मिनरलको २४ करोड २९ लाख ९९ हजार रुपैयाँ तिर्न बाँकी छ।
बक्यौतालाई २८ किस्तामा विभाजन गरी सोनापुर मिनरले ८६ लाख ३० हजार रुपैयाँ पहिलो किस्ता बुझाएको हो।
