जेनजी आन्दोलनका क्रममा विभिन्न कारागारबाट फरार भएका कैदीबन्दीमध्ये २० जनालाई प्रहरीले नियन्त्रणमा लिई पुनः कारागारमा बुझाएको छ।
जिल्ला प्रहरी परिसर भक्तपुरले भदौ २३ र २४ गतेको आन्दोलनकै क्रममा फरार भएका कैदीबन्दीहरूलाई निरन्तर खोजतलासपछि नियन्त्रणमा लिई काठमाडौँको केन्द्रीय कारागारमा बुझाइएको जनाएको छ।
जिल्ला प्रहरी परिसर भक्तपुरका सूचना अधिकारी प्रहरी नायव उपरीक्षक ढुण्डीराज नेउपानेका अनुसार पक्राउ पर्नेहरुमा १ महिला र १९ पुरुष रहेका छन्।
