रवि लामिछानेले बुटवलको सुप्रिम सहकारी ठगीसम्बन्धी मुद्दाको बिगो दाबीबाट छुटकारा दिलाई थुनामुक्त गर्न माग गरेको निवेदनमाथि बहस जारी छ।
रुपन्देही जिल्ला अदालतमा न्यायाधीश नारायण सापकोटाको इजलासमा जारी बहसमा रवि लामिछानेका वकिलले अहिले बहस गरिरहेका छन्। लामिछानेलाई भने इजलासमा उपस्थित गराइएको छैन।
बहस सकिएपछि नै पुर्पक्षका लागि भैरहवा कारागारमा रहेका उनलाई बिगो बुझाएर मुद्दाबाट छुटकारा दिने, नदिनेबारे फैसला हुनेछ।
सुप्रिम सहकारी ठगीसँगै उनलाई संगठित अपराध सम्बन्धी कसुर पनि छ। लामिछानेले सहकारी हिनामिना गरेको भनेको बिगो दाबी बराबरको बैंक ग्यारेन्टी बुझाइसकेकाले यो मुद्दाबाट छुटकारा दिलाई थुनामुक्त गर्न माग गरेका छन्।
उनले ३ जनाको नाममा २ करोड ७४ लाख ८४ हजार रुपैयाँको बैंक जमानत बुझाएका छन्।
