भारतको उत्तर प्रदेशस्थित गोंडामा तीव्र गतिमा रहेको बोलेरोले नियन्त्रण गुमाएपछि सरयू नहरमा खसको छ। दुर्घटनामा ११ जनाको मृत्यु भएको छ।
तीमध्ये नौ जना एकै परिवारका थिए। एक १० वर्षीया बालिका बेपत्ता छिन्। बोलेरोमा १६ जना सवार थिए। स्थानीय मानिसहरूले सिसा फुटाएर ४ जनालाई उद्धार गरेका छन्। उनीहरू सबै पृथ्वीनाथ मन्दिरमा जल चढाउन जाँदै थिए।
वर्षाका कारण नहर पानीले भरिएको थियो। गाडी नहरमा खस्ने बित्तिकै पूर्ण रूपमा डुबेको थियो जसका कारण गाडीको ढोका बन्द भएको थियो।
दुर्घटना भएको ठाउँ वरपर गाउँलेहरू थिए। बोलेरो नहरमा खसेको देखेर, उनीहरू बचाउन पानीमा हाम फाले, तर ढोका खोल्न सकेनन्। डोरी बाँधेर बोलेरोलाई किनारमा ल्याए, त्यसपछि मात्र कारको केही भाग बाहिर निस्कियो। धेरै कठिनाइका साथ झ्यालको सिसा फुटाएर ४ जनालाई बचाइएको थियो।
आइतबार बिहान १० बजे इटियाथोक प्रहरी चौकी क्षेत्रमा यो दुर्घटना भएको हो। प्रहरीका अनुसार दुर्घटनाको समयमा कारको गति ६० किलोमिटर प्रतिघण्टा थियो।
