बारामा मलखाद तस्करी बढेसँगै त्यसमा कडाइ गर्दा टायर बालेर प्रदर्शन गरिएको छ ।
बाराको मटिअर्वा नाकामा मलको तस्करीमा कडाइ गरेको भन्दै केही स्थानीयले नाकामै टायर बालेर प्रदर्शन गरेका हुन् ।
मटिअर्वा नाकामा बिहान १० बजेदेखि पैने ११ बजेसम्म उनीहरूले टायर बालेर प्रदर्शन गरेका हुन ।
बारा प्रहरी प्रमुख सन्तोष तामाङका अनुसार किसानको नाममा भारतबाट भइरहेको तस्करी रोक्दा केही मान्छेहरूले विरोध गरेका थिए । तर अहिले भने त्यो विवाद सुल्झिएको उनको भनाइ छ ।
किसानको रेकर्ड राखेर मलखाद ल्याउने सहमति गर्दै विवाद सुल्झाइएको बारा प्रहरीले जानकारी दिएको छ ।
