काठमाडौँ । नेपाली कांग्रेस निकट विद्यार्थी सङ्गठन नेविसंघले प्रधानमन्त्री निवास बालुवाटार अगाडि प्रदर्शन गरेका छन् । ने.वि.संघ जिल्ला कार्यसमितिको झन्डा बोकेर बालुवाटार पुगेका उनीहरूले प्रधानमन्त्रीविरुद्ध विभिन्न नाराबाजी गरेका हुन् ।
एक दर्जन बढीको सङ्ख्यामा पुगेका उनीहरूले टाउकोमा कालोपट्टि बाँधेका थिए भने विभिन्न नारा लेखिएका पम्प्लेट बोकेका थिए । उनीहरूले ‘शैक्षिक माफिया होसियार !, फेयर स्कुलरसिप, दोहोरो भर्ना बन्द गर, छात्रवृत्तिको पारदर्शी व्यवस्था गर, प्रतिस्पर्धात्मक शिक्षक नियुक्ति गर, विद्यालय शिक्षा ऐन जारी गर, विश्वविद्यालयमा योग्यता आधारित नियुक्ति गर’ लगायतका नारा लगाउँदै प्रदर्शन गरेका हुन् ।
प्रहरीले उनीहरूमाथि लाठीचार्ज गर्नुका साथै नियन्त्रण लिएको छ । उनीहरूलाई प्रहरी वृत्त मालीगाउँमा लगिएको प्रहरीले जनाएको छ ।
