इजरायलले गरेको हवाई आक्रमणमा गाजामा रहेको इन्डोनेसियाली अस्पतालका निर्देशकको मृत्यु भएको छ । हमासद्वारा सञ्चालित स्वास्थ्य मन्त्रालयले बताएअनुसार गाजा सहरमा रहेको घरमा इजरायली हवाई आक्रमणमा परेर डाक्टर मारवान सुल्तानको मृत्यु भएको हो ।
यस आक्रमणमा परेर उनको परिवारका धेरै सदस्यहरू मारिएका बताइएको छ । चिकित्सा क्षेत्रमा सुल्तानको करियर लामो रहेको मन्त्रालयले बताएको छ । गाजामा आफूहरूले हमासका मुख्य आतङ्ककारीलाई प्रहार गरेको इजरायली सेनाले बताएको छ ।
आक्रमणमा निर्दोष नागरिकहरू घाइते भएको दाबीको समीक्षा भइरहेको बताइएको छ । यसैबिच, अल–मवासी ‘सुरक्षित क्षेत्र’मा भएको आक्रमणमा कम्तीमा पाँच जनाको मृत्यु भएको र बालबालिका सहित धेरै जना घाइते भएको बताइएको छ ।
यो आक्रमण समाचार एजेन्सीहरूले रिपोर्ट गरेका धेरै आक्रमणहरू मध्ये एक हो ।
