नदीमा हाम फालेर बैतडीका एक युवक बेपत्ता भएका छन्।
जिल्लाको डिलाशैनी गाउँपालिका–३ सिमारका अन्दाजी २६ वर्षीय महेश राना यहाँको चौलानी नदीमा हाम फालेर बेपत्ता भएका जिल्ला प्रहरी कार्यालय बैतडीका प्रवक्ता तथा प्रहरी निरीक्षक बलराम पाण्डेयले जानकारी दिए।
राना सोमबार बिहान साढे ६ बजेतिर घर नजिकै रहेको चौलानी नदीमा हाम फालेको खबर प्राप्त भएको प्रहरी निरीक्षक पाण्डेयले बताए। बेपत्ता रानाको खोजी कार्यका लागि प्रहरी परिचालन गरिएको छ।
राना नदीमा हाम फाल्नुको कारण भने खुलेको छैन। घटना विषयमा थप अनुसन्धान भइरहेको जिल्ला प्रहरी कार्यालयले जनाएको छ।
