अमेरिकाको इडाहोमा लागेको डढेलो निभाउन पुगेका दुई जनाको गोली हानी हत्या गरिएको छ। एक जना अग्नि नियन्त्रक घाइते छन् । उनको उपचार भइरहेको छ ।
स्थानीय सेरिफ रोबर्ट नोरिसका अनुसार कोउर डी’एलेन सहरमा कम्तीमा एक जना व्यक्तिले राइफलले प्रहरीमाथि गोली चलाइरहेका छन्। ‘हामीलाई थाहा छैन, त्यहाँ एक, दुई, तीन वा चार जना छन्,’ उनले भने।
अधिकारीहरूले धेरै दिशाबाट गोली चलिरहेको बताएका छन् । मानिसहरूलाई सो क्षेत्रबाट टाढा रहन भनिएको छ।
एफबीआईका उपनिर्देशक डान बोन्जिनोले एजेन्टहरूले घटनास्थलमा ‘रणनीतिक र सञ्चालन सहयोग’ प्रदान गरिरहेको बताए। ‘धेरै साहसी अग्नि नियन्त्रकहरूमाथि आक्रमण भएको छ,’ इडाहोका गभर्नर ब्राड लिटिलले ट्विटरमा लेखे।
‘यो हाम्रा बहादुर पुरुषहरूमाथि प्रत्यक्ष र घृणित आक्रमण हो। थप जानकारी नआएसम्म म सबैलाई उनीहरू र उनीहरूका परिवारहरूको लागि प्रार्थना गर्न आग्रह गर्दछु,’ गभर्नरले भने।
