काठमाडौं । रमण कन्सट्रक्सनका सञ्चालक पवन महतो पक्राउ परेका छन् ।
उनी काठमाडौबाट पक्राउ परेका हुन् । काठमाडौंबाट पक्राउ परेका पवनलाई धनुषा लगिएको छ ।जिल्ला प्रहरी कार्यालय धनुषाका अनुसार उनी ठगीको कसुरमा पक्राउ परेका हुन् । पवनसँगै उनका बाबु बलरामविरुद्ध पक्राउ पुर्जी जारी भएको थियो ।
उनीहरुविरुद्ध सन्तोष यादवले धनुषा प्रहरीमा उजुरी दिएका थिए । यादव पनि ठेक्कापट्टा व्यवसाय गर्दै आएका छन् । त्यसपछि करोड बढी ठगी तथा आपराधिक विश्वासघात गरेको आरोप लगाउँदै उनीहरुविरुद्ध यादवले उजुरी दिएका थिए । यसबारे अनुसन्धान प्रक्रिया अघि बढाइएको पनि प्रहरीले जनाएको छ ।
