पाकिस्तानको बलुचिस्तान प्रान्तको एक बजार नजिकै बम विस्फोट भएको छ । विस्फोटमा परी चार जनाको मृत्यु भएको छ भने अरू २० जना घाइते भएका छन् ।
आइतबार बलुचिस्तानको किल्ला अब्दुल्लाह जिल्लाको जब्बार बजार नजिकै भएको विस्फोटबाट भवनमा ठुलो क्षति पुगेको थियो ।
विस्फोटपछि धेरै पसलहरू भत्किएका छन् भने कयौँ प्रतिष्ठानहरूमा आगो लागेको द एक्सप्रेस ट्रिब्यून अखबारले समाचार छापेको छ । किला अब्दुल्लाहका उपयुक्त रियाज खानले विस्फोटमा चार जनाको मृत्यु भएको र २० जना घाइते भएको बताए ।
बजार फ्रन्टियर कोप्र्स (एफसी) किल्लाको पछाडिको पर्खालसँग जोडिएको थियो । विस्फोटपछि अज्ञात आक्रमणकारीहरू र एफसी कर्मचारीहरूबिच गोली हानाहान भएको बताइएको छ ।
कानुन प्रवर्तन अधिकारीहरूले सो क्षेत्र बन्द गरेका छन् । घाइतेहरू व्यापक खोजी र उद्धार कार्य सुरु गरिएको छ । घाइतेहरूमा आदिवासी अग्रज हाजी फैजुल्लाह खान गाबिजाईका सुरक्षा गार्ड र अन्य धेरै जना रहेका छन् ।
खुजदार जिल्लाको नल क्षेत्रमा रहेको चेकपोस्टमा अज्ञात बन्दुकधारीहरूले गरेको घातक बन्दुक आक्रमणमा चार लेवी कर्मचारीको मृत्यु भएको केही दिनपछि यो विस्फोट भएको हो ।
