वैकल्पिक ऊर्जा प्रवर्द्धन केन्द्रको गाडीले कोटेश्वर स्थित मापसे चेक प्वाइन्ट छलेर भागेपछि दुर्घटना भएको छ । बा.२ झ २३७८ नम्बरको गाडीको ठक्करबाट कोटेश्वर चोकमा एउटा मोटरसाइकलमा क्षति पुगेको छ ।
चेकप्वाइन्ट छलेर भागेका चालकलाई प्रहरीले पछ्याएर पक्राउ गरेको छ । गाडी चालक सुवास थापालाई पक्राउ गरिएको जिल्ला प्रहरी परिसर काठमाडौंका एकजना अधिकृतले बताए । नियन्त्रणमा लिने क्रममा प्रहरीको मोटरसाइकलमा पनि क्षति पुगेको छ ।
सो गाडी वैकल्पिक ऊर्जा प्रवर्द्धन केन्द्रका उपनिर्देशक रणबहादुर थापा चढ्ने गरेको चालकले बताएका छन् । गाडीमा थापा थिएनन् । चालकलाई नरेफाँट स्थित मनोहरा खोला पुल नजिकैबाट पक्राउ गरेर प्रहरीले स्वास्थ्य परिक्षण गराएको छ । उनले अत्यधिक मादक पदार्थ सेवन गरेको पाइएको छ ।
