आरा रारा गोल्डकप फुटबल प्रतियोगिताको अन्तिम प्रि-क्वार्टरफाइनलमा आज (शुक्रबार) संकटा र भारतीय टोली थन्डरबोल्ट नर्थ युनाइटेड भिड्दै छन्।
पोखरा रगंशालामा हुने खेल दिउँसो साढे २ बजे सुरु हुनेछ।
आहा राराको अनुभवी टोली संकटा पाहुना टोलीलाई पहिलो खेलबाटै घर फर्काउने योजनामा हुनेछ।
अघिल्लो साता मात्रै काठमाडौँमा सम्पन्न सभापति कपको विजेता बनेर पोखरा आइपुगेको संकटा उच्च मनोबलमा मैदान उत्रनेछ।
उता पाहुना टोली थन्डरबोल्ट पनि सहजै हार मान्ने पक्षमा छैन।
त्यसैले अन्तिम प्रिक्वार्टर खेल रोमाञ्चक हुने आशा गरिएको छ।
यो खेलको विजेताले उज्वेकिस्तानको ब्याक बुल्स एफसीविरुद्ध माघ २९ गते खेल्नेछ।
३ विदेशीसहित १२ टोली सहभागी प्रतियोगिताको उपाधि विजेताले १२ लाख १ हजार तथा उपविजेताले ६ लाख १ हजार रुपैयाँ प्राप्त गर्नेछन्।
