सर्लाही सम्बादाता, सर्लाही लालबन्दी न.पा.वडा नं. १५ स्थित कालिन्जोर खोलाको काँसघारीमा लागु औषध गाँजा लुकाई छिपाई ओसार पसार गर्न राखेको छ भन्ने गोप्य सुचनाको आधारमा लागु औषध नियन्त्रण ब्युरो, शाखा कार्यालय बर्दिबास र यस कार्यालयबाट प्र.नि. सुजन पाठकको कमाण्डमा एबंम अस्थाई प्रहरी पोष्ट परवानिपुर समेतको संयुक्त प्रहरी टोली खटी गई उक्त स्थानमा खोजतलास गर्दै जाने क्रममा कालिञ्जोर खोलाको उतर पट्टी काँसघारीमा रातो रंगको प्लाष्टिकले बेरी प्लाष्टिकको डोरीले बाधी राखेको अबस्थामा २२(बाईस) वटा पोकाहरू फेला परेकोमा छ ।
उक्त पोकाहरू रितपुर्वक खोली हेर्दा सो पोकाहरु भित्र लागु औषध गाँजा जस्तो देखिने बस्तु फेला परेको,प्रत्येक पोकामा ५/५ के.जी.को दरले जम्मा अं.११० के.जी .अवैध लागू औषध गाँजा फेला पारी, जनप्रतिनिधि तथा स्थानियको रोहबरमा रितपुर्वक बरामद गरिएको, गाँजा को- कस्ले ल्याएको भन्ने विषयमा थप अनुसन्धान भइरहेको ।
