बङ्गलादेशलाई हराउँदै काभा भलिबलमा नेपालकाे विजयी शुरुवात

 संवाददाता    २३ आश्विन २०८०, मंगलवार ०६:४९     51 जनाले पढ़िसके



Spread the love

काठमाण्डाै – नेपालले काभा पुरुष भलिबल च्यालेन्ज कप २०२३ मा विजयी शुरुवात गरेकाे छ ।

श्रीलङ्कामा आज साेमवार बेलुकी भएकाे उद्घाटन खेलमा नेपालले बङ्गलादेशलाई ३–१ काे सेटले हरायाे । नेपालले पहिलाे सेट २५–२० जित्याे । यस्तै दाेस्राे सेट नेपालले २५–१९ ले गुमायाे । त्यसपछि तेस्राे र चाैथाे सेट क्रमशः २५–२३ र २५–२१ ले जित्याे ।

अब नेपालले असोज २३ गते श्रीलङ्कासँग, असोज २४ गते अफगानिस्तानसँग, असोज २६ गते साउदी अरेबियासँग र अन्तिम खेलमा असोज २७ गते उज्वेकिस्तानसँग खेल्नेछ ।

६ टोलीको सहभागिता रहेको च्यालेन्ज कप असोज २८ गतेसम्म चल्नेछ । राउन्ड रोबिन लिगपछि अङ्क तालिकाका शीर्ष दुई टोलीले फाइनल तथा त्यसपछिका दुई वटा टोलीले तेस्रो स्थानका लागि खेल्नेछन् ।