काठमाडौँ– महिला विश्वकप फुटबलमा अष्ट्रेलियालाई हराउँदै स्वीडेन तेस्रो भएको छ ।
शनिबार तेस्रो स्थानका लागि भएको खेलमा अष्ट्रेलियालाई २–० ले हराउँदै स्वीडेन विजयी भएको हो । आयोजक अष्ट्रेलिया भने चौथो भएको छ ।
खेलको ३० औँ मिनेटमा फ्रिडोलिना रोल्फोको पेनाल्टी गोलमा स्वीडेनले अग्रता लिएको थियो । त्यसपछि कोसोभारे अस्लानीले ६२ औँ मिनेटमा दोस्रो गोल गरेर स्वीडेनको जित सुनिश्चित गरिन् ।
अब विश्वकप उपाधिका लागि स्पेन र इंगल्याण्ड भिड्नेछन् ।
