शहीद स्मारक ए डिभिजन लिग फूटबल अन्तर्गत सोमवार ३ खेल हुँदैछन् ।
त्रिपुरेश्वरस्थित दशरथ रंगशालामा हुने पहिलो खेलमा चर्च ब्वाइज युनाइटेड र विभागीय टोली एपीएफ क्लबबीच प्रतिस्पर्धा हुनेछ ।
चर्च ब्वाइज र एपीएफबीचको खेल दिउँसो २ बजे शुरू हुनेछ । सोमवार नै सातदोबाटोस्थित एन्फा कम्प्लेक्समा हुने खेलमा फ्रेण्ड्स क्लब र नेपाल पुलिस क्लब भिड्नेछन् ।
खेल दिउँसो २ बजे शुरू हुनेछ । रंगशालामा नै हुने सोमवारको दोस्रो खेलमा मनाङ मस्र्याङ्दी क्लब र थ्री स्टार क्लबबीच प्रतिष्पर्धा हुनेछ ।
मनाङ र थ्री स्टारबीचको खेल साँझ ५ः४५ बजे शुरू हुने जनाइएको छ ।
