संजय विश्वकर्मा लहान २७ कार्तिक । स्पर्श नेपाल शाखा कार्यालय लहान सिरहाको आयोजनामा मंलवार एक दिने प्रहरी समन्वयात्मक बैठक लहानमा सम्पनन भएको छ । लागु औषधको कुलतमा परेका युवाहरुलाई मानबिय क्षतिबाट बचाउनका लागी उपायहरुको बारेमा छलफल गर्न बैठकको आयोजना गरेको आयोजक स्पर्श नेपालका सिरहा जिल्ला सुपरभाईजर कैलाश साहले जानकारी दिनुभयो । ईलाका प्रहरी कार्यालय लहानका करिब १५ जना प्रहरीको सहभागीतामा भएको बैठकमा लागुऔषधको माध्यमले सुईसाटाटको प्रयोगले एच आई भि सर्ने बारेमा पनी बिषेश रुपले छलफल गरिएको सो संस्थाका आई. आर. डब्लु प्रदिप यादबले बताए । कार्यक्रममा संस्थाका कर्मचारी लगायत संचारकर्मीको पनी सहभागिता रहेको थियो ।
